దర్శకుడు శంకర్ దర్శకత్వంలో యూనివర్సల్ నటుడు కమల్ హాసన్ హీరోగా తెరకెక్కిస్తున్న భారీ పాన్ ఇండియా చిత్రం “ఇండియన్ 2”. షూటింగ్ పూర్తి చేసుకున్న ఈ సినిమా జూన్‌లో విడుదలకు సిద్ధమైన సంగతి తెలిసిందే. ఈ చిత్రాన్ని జూలై 12న ప్రపంచవ్యాప్తంగా థియేటర్లలో విడుదల చేసేందుకు నిర్మాతలు సన్నాహాలు చేస్తున్నారు. ఇప్పటికే ఈ సినిమా నుండి విడుదలైన ప్రచార చిత్రాలకు ప్రేక్షకుల నుండి మంచి స్పందన వచ్చింది. నేడు ఈ మూవీ నుంచి ఫస్ట్ సింగిల్ ప్రోమోను విడుదల చేయనున్నారు. రేపు సాయంత్రం 5:00 గంటలకు పూర్తి పాటను విడుదల చేయనున్నారు. ప్రధాన భారతీయ భాషల్లో ఈ పాటను విడుదల చేయనున్నారు. అనిరుధ్ రవిచందర్ సంగీతం సమకూరుస్తుండగా లైకా ప్రొడక్షన్స్ మరియు రెడ్ జెయింట్ మూవీస్ ఈ చిత్రాన్ని నిర్మిస్తున్నాయి.ఈ సినిమాలో కాజల్, రకుల్ ప్రీత్ సింగ్ అలాగే సిద్ధార్థ్ తదితరులు ముఖ్య పాత్రల్లో నటిస్తున్నారు.
- Advertisment -
