దర్శకుడు శంకర్ దర్శకత్వంలో యూనివర్సల్ నటుడు కమల్ హాసన్ హీరోగా తెరకెక్కిస్తున్న భారీ పాన్ ఇండియా చిత్రం “ఇండియన్ 2”. షూటింగ్ పూర్తి చేసుకున్న ఈ సినిమా జూన్‌లో విడుదలకు సిద్ధమైన సంగతి తెలిసిందే. ఈ సినిమాలో కాజల్, రకుల్ ప్రీత్ సింగ్ అలాగే సిద్ధార్థ్ తదితరులు ముఖ్య పాత్రల్లో నటిస్తున్నారు. అయితే ఈ సినిమాని జూన్‌లో విడుదల చేసేందుకు మేకర్స్ ఇప్పటికే ఖరారు చేశారు. అయితే ఇప్పుడు ఈ సినిమా రిలీజ్ విషయంలో ఓ ట్విస్ట్ ఉందనే గుసగుసలు వినిపిస్తున్నాయి. దీని ప్రకారం ఇండియన్ 2 మూవీ రిలీజ్ జూన్ నుంచి జులైకి మారినట్లుగా తెలుస్తుంది. ఇప్పటి వరకు జూన్ 13న విడుదల అనే టాక్ వినిపించగా.. ఇప్పుడు జులై నెలాఖరుకు మారినట్లు లేటెస్ట్ బజ్ వినిపిస్తుంది. దీనిపై ఇంకా అధికారిక క్లారిటీ రావాల్సి ఉంది. ఈ చిత్రానికి అనిరుధ్ సంగీతం అందిస్తునారు. ఈ చిత్రాని లైకా ప్రొడక్షన్స్ నిర్మిస్తోంది.
- Advertisment -
