ప్రజా క్షేత్రంలోకి గులాబీ బాస్.. వచ్చేది అప్పుడేనా..?

గులాబీ బాస్ కేసీఆర్ త్వరలో ప్రజల్లోకి రానున్నారు. కాలికి ఫ్రాక్చర్ కావడంతో కొన్నాళ్లు చికిత్స పొందిన ఆయన ప్రస్తుతం కోలుకున్నారు. పార్టీ నేతలతో వరుసగా మీటింగ్ లు నిర్వహిస్తున్నారు. ఈ క్రమంలో కేసీఆర్ పూర్తి స్థాయిలో రంగంలోకి దిగడానికి ముహూర్తం ఖరారైనట్లు తెలుస్తోంది. మరోవైపు డిసెంబర్ 7 నాటికి కాంగ్రెస్ ప్రభుత్వం ఏర్పడి సరిగ్గా ఏడాది కానుంది. అదే సమయంలో కేసీఆర్ ప్రజాక్షేత్రంలోకి వచ్చే అవకాశాలు కనిపిస్తున్నాయి.