T20 World Cup: సూపర్‌ 8కు దూసుకెళ్లిన అఫ్గానిస్థాన్‌.. బుల్ టాపర్‌గా సంచలనం!

T20 ప్రపంచకప్‌ పోటీల్లో భాగంగా శుక్రవారం జరిగిన మ్యాచ్‌లో పాపువా న్యూగినీపై అఫ్గానిస్థాన్‌ 7 వికెట్ల తేడాతో విజయం సాధించింది. మొదట బ్యాటింగ్ చేసిన పపువా న్యూ గినియా 19.5 ఓవర్లలో 95 పరుగులకు కుప్పకూలింది. వికెట్ కీపర్ కిప్లిన్ (27; 32 బంతుల్లో, 2 ఫోర్లు) టాప్ స్కోరర్. ఫజల్లా ఫరూకీ (3/16) మూడు వికెట్లతో సత్తాచాటాడు. అనంతరం ఛేదనలో అఫ్గానిస్థాన్ 15.1 ఓవర్లలో మూడు వికెట్లు కోల్పోయి లక్ష్యాన్ని సాధించింది. గుల్బాదిన్ నైబ్ (49 నాటౌట్, 36 బంతుల్లో, 4 ఫోర్లు, 2 సిక్సర్లు) దూకుడుగా ఆడాడు. దీంతో టోర్నీలో మూడు మ్యాచ్‌లు గెలిచిన అఫ్గాన్‌ జట్టు సూపర్‌ 8కు దూసుకెళ్లింది.