పుష్ప– ది రైజ్ మూవీకి గానూ జాతీయ ఉత్తమ నటుడిగా రాష్ట్రపతి చేతుల మీదుగా అవార్డు అందుకున్న ఐకాన్ స్టార్ అల్లు అర్జున్.. తన ఆనందాన్ని ఫ్యాన్స్తో పంచుకుంటూ సోషల్ మీడియాలో వరుసగా పోస్ట్లు చేశారు. జాతీయ అవార్డు అందుకున్న రోజు మెమెరబుల్ డే అని, ఆ మూమెంట్స్ బ్యూటిఫుల్ అంటూ అల్లు అర్జున్ పోస్ట్ షేర్ చేశాడు. తన భార్య, తల్లిదండ్రులతో ఈ ఆనందాన్ని షేర్ చేసుకుని ఆ ఫోటోలను సోషల్ మీడియాలో అప్లోడ్ చేశాడు. బన్నీ పోస్ట్ చూసిన ఫ్యాన్స్ సంతోషాన్ని వ్యక్తం చేస్తూ తమ అభిమాన హీరోకు మరోసారి కంగ్రాట్స్ చెబుతున్నాయి. అయితే, మంగళవారం జాతీయ అవార్డుల కార్యక్రమం జరగగా..
ఉత్తమ నటుడి పురస్కారం అందుకున్న అనంతరం అల్లు అర్జున్ తన సోషల్ అకౌంట్లలో ఓ ఎమోషనల్ పోస్ట్ పెట్టారు. తన విజయానికి దర్శకుడు సుకుమార్ కారణమని చెప్పారు. ‘జాతీయ అవార్డును అందుకోవడం గౌరవంగా భావిస్తున్నా. నాకు ఇంత గొప్ప గుర్తింపునిచ్చిన జ్యూరీకి, మంత్రిత్వ శాఖకు, భారత ప్రభుత్వానికి ధన్యవాదాలు. ఈ అవార్డు నేను సాధించిన మైలురాయి మాత్రమే కాదు.. మన సినిమాను ఆదరిస్తూ.. సపోర్ట్‌ చేసినవారందరికీ చెందుతుంది. అలాగే దర్శకుడు సుకుమార్‌కు ప్రత్యేక కృతజ్ఞతలు చెప్పాలి. నా విజయానికి ఆయనే కారణం’ అని బన్నీ పోస్ట్ చేశారు.
