Classic Director Kamal Haasan’s movie after 36 years 36 ఏండ్ల తర్వాత క్లాసిక్​ డైరెక్టర్​తో Kamal Ha సినిమా

ఇండియన్ సినిమాకు ఎన్నో క్లాసిక్స్​ను అందించిన తమిళ దిగ్గజ దర్శకుడు మణిరత్నం, లోకనాయకుడు కమల్​ హాసన్​ కాంబోలో 36 ఏండ్ల తర్వాత మళ్లీ ఓ సినిమా తెరకెక్కనుంది. 1987లో వీరి కలయికలో వచ్చిన ‘నాయకన్’మూవీ ఎంత పెద్ద హిట్టయిందో అందరికీ తెలిసిందే. తెలుగులో ‘నాయకుడి’ పేరుతో రిలీజై మంచి విజయాన్ని నమోదు చేసింది. నాయకన్ సినిమా ఆ ఏడాది ఇండియా తరఫు నుంచి ఆస్కార్​కు సైతం నామినేట్​ అయ్యింది. ఎన్నో అవార్డులు ఆ మూవీకి దక్కాయి. నాయకన్​లో నటనకుగానూ జాతీయ ఉత్తమ నటుడి పురస్కారాన్ని కమల్​ హాసన్ అందుకున్నారు. అయితే, ఈ సినిమా తర్వాత మళ్లీ మణిరత్నం, కమల్​ హాసన్ కలిసి పనిచేయలేదు. దాదాపు 36 ఏండ్ల తర్వాత వీరి కలయికలో మళ్లీ సినిమా రాబోతోంది. విక్రమ్​ మూవీతో గతేడాది బ్లాక్ బస్టర్ హిట్ ఇచ్చిన కమల్​.. ప్రస్తుతం ఇండియన్–2 సినిమాలో యాక్ట్ చేస్తున్నాడు. తన తర్వాతి మూవీ మణిరత్నంతో ఉంటుందని కమల్​ హాసన్ శుక్రవారం అఫిషీయల్​గా అనౌన్స్​ చేశాడు. కాగా, ఈ క్రేజీ కాంబో మూవీని మేకర్స్ కన్ఫార్మ్ చేసి కమల్ ఫ్యాన్స్​కు ఫీస్ట్​ను అందించారు. హీరో కమల్, దర్శకుడు మణిరత్నం కలిసి ఉన్న ఫొటోను మేకర్స్ రిలీజ్ చేశారు. రాజ్ కమల్ ఇంటర్నేషనల్ ఫిల్మ్స్, మద్రాస్ టాకీస్ బ్యానర్లపై కమల్ హాసన్, మణిరత్నం, ఆర్. మహేంద్రన్, శివ అనంతి కలిసి ఈ మూవీని గ్రాండ్ లెవెల్లో నిర్మించనున్నారు. ఏఆర్ రెహమాన్ సంగీతం అందించనున్న ఈ మూవీని రెడ్ జెయింట్ ఫిలిమ్స్ సంస్థపై ఉదయనిధి స్టాలిన్ సమర్పిస్తున్నారు. ఇక ఈ మూవీలో దుల్కర్ సల్మాన్, త్రిష, జయం రవి కీలక పాత్రలు పోషిస్తున్నారు. నవంబర్ 7న కమల్ బర్త్ డే సందర్భంగా ఈ సినిమాకు సంబంధించి మరిన్ని అప్​డేట్స్ రానున్నాయి.