కాంగ్రెస్ ప్రభుత్వం అధికారంలోకి వచ్చిన వెంటనే మహాలక్ష్మీ పథకం కింద మహిళలకు ఫ్రీ బస్సు సౌకర్యం కల్పించింది. దీంతో మహిళలు బస్సుల్లో భారీగా ప్రయాణిస్తున్నారు. అయితే ఈ పథకంపై హైకోర్టులో పిటిషన్ దాఖలైంది. నాగోల్ కు చెందిన ఓ ప్రైవేట్ ఉద్యోగి పిటిషన్ వేశాడు. బస్సులో మహిళలకు ఫ్రీ బస్సు సౌకర్యం కల్పిస్తే.. అది వివక్షతకు దారి తీస్తుందని పిటిషన్ లో పేర్కొన్నాడు.
ఇది కూడా చదవండి: ఆ పాటతోనే ప్రభుత్వం మారింది: కేటీఆర్
కేంద్ర చట్టాల ద్వారా ఏర్పడిన ఆర్టీసీలో ఫ్రీ స్కీం ఇవ్వడంపై స్టేట్ గవర్నమెంట్ కు అధికారం లేదని చెప్పాడు. ఈ పథకం వల్ల చాలా మందికి ఇబ్బందులు ఎదరువుతున్నాయని పేర్కొన్నాడు. ప్రభుత్వం జారీ చేసిన జీవో 47ను సస్పెండ్ చేయాలని కోరారు.
ఇది కూడా చదవండి: పాపం.. సీఎం రేవంత్ రెడ్డి ఇంగ్లిష్ పై ఫుల్ ట్రోల్స్
ప్రజల టాక్స్ రూపంలో కట్టిన డబ్బులు ఉచిత ప్రయాణానికి ఖర్చు పెట్టడం సరికాదన్నారు. పై విషయాలన్నింటిని పరగణించి ఉచిత ప్రయాణాన్ని వెంటనే నిలిపి వేయాలని కోరాడు.
